ഈദ് ആഘോഷങ്ങൾ അടിപൊളിയാക്കാം; സർക്കാർ ജീവനക്കാർക്ക് നേരത്തെ ശമ്പളം നൽകാൻ ദുബായ്

വരാനിരിക്കുന്ന ഈദ് ആഘോഷങ്ങൾ കണക്കിലെടുത്ത് ദുബായ് സർക്കാർ ജീവനക്കാർക്ക് മാർച്ചിലെ ശമ്പളം മുൻകൂട്ടി നൽകാൻ ഉത്തരവിട്ടു. ദുബായ് കിരീടാവകാശിയും എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമാണ് ഇതുസംബന്ധിച്ച നിർദ്ദേശം നൽകിയത്. തീരുമാനപ്രകാരം ഈ മാസം 17-ന് തന്നെ ജീവനക്കാരുടെ അക്കൗണ്ടുകളിലേക്ക് ശമ്പളം എത്തും. പെരുന്നാൾ ഒരുക്കങ്ങൾ നേരത്തെ പൂർത്തിയാക്കാനും കുടുംബത്തോടൊപ്പം ആഘോഷങ്ങൾ സന്തോഷകരമാക്കാനും ജീവനക്കാരെ സഹായിക്കുക എന്ന ലക്ഷ്യത്തോടെയാണ് ഈ കരുണാർദ്രമായ നടപടി.

Content Highlights: Dubai announces early salary disbursement for government employees ahead of Eid, aiming to support festive spending and celebrations.